बरीच लोकं मानेमधील बल्जिंग डिस्कला सर्व्हायकल हर्निएटेड डिस्क समजण्याची चूक करतात. या दोन आजारांमध्ये फरक समजून घेणे आवश्यक आहे.
सोप्या भाषेत सांगायचे तर, जेव्हा मानेतील एक स्पाइनल डिस्क तिच्या मूळ स्थानावरून घसरते तेव्हा डिस्कमध्ये फुगवटा किंवा बल्ज येतो. हर्निएटेड डिस्क प्रकारामध्ये ही स्थिती अजून बिघडते आणि डिस्कमधील पदार्थ बाहेर पडतो. वय-संबंधित झीज झाल्यामुळे या दोन्ही मानेच्या स्थिती वृद्ध प्रौढांमध्ये जास्त प्रमाणात आढळतात.
मानेमध्ये स्पाइनल डिस्क फुगल्यामुळे मान, खांदे, हात, पाठ आणि छातीच्या भागांमध्ये तीव्र वेदना होऊ शकतात. यामुळे हात आणि बोटांमध्ये अशक्तपणा/सुन्नपणा देखील जाणवू शकते.
चला, मानेमधील बल्जिंग डिस्क आणि त्यासंबंधित विविध कारणे, लक्षणे आणि उपचार पर्यायांबद्दल सविस्तर माहिती घेऊया.
मानेमध्ये बल्जिंग डिस्क होण्याची कारणे
मानेमध्ये बल्जिंग डिस्क खालील कारणांमुळे होऊ शकते:
- वयोमानानुसार स्पाइनल डिस्कची होणारी झिज
- डीजनरेटिव्ह डिस्कचा आजार
- इंटरव्हर्टेबल डिस्कचा आजार
- खूप वेळ चुकीच्या पद्धतीने बसने/उभे राहणे
- स्थूलता किंवा जास्त वजन
- शारीरिक हालचालींचा अभाव
- चुकीच्या पद्धतीने वजन उचलल्यामुळे ताण किंवा तीव्र दुखापत
- धूम्रपान
मानेमधील बल्जिंग डिस्कची लक्षणे
मानेमधील बल्जिंग डिस्कसंबंधित सर्वसामान्य लक्षणांमध्ये समाविष्ट आहे:
- मान, खांदे आणि पाठीच्या भागातील वेदना
- मान हलवल्यावर होणाऱ्या वेदना
- हात, खांदे किंवा बोटांमध्ये सुन्नपणा किंवा झिणझिण्या
- हालचालींची मर्यादा कमी होणे
मानेमधील बल्जिंग डिस्कचे उपचार कसे करावे?
स्थितीच्या तीव्रतेनुसार, मानेमधील बल्जिंग डिस्कवर उपचार पर्याय उपलब्ध आहेत. नियमितपणे विशिष्ट मान बळकट करणारे आणि स्ट्रेचिंगचे व्यायाम, किंवा नॉन-सर्जिकल स्पाइनल डीकंप्रेशन ट्रीटमेंटने उपचार केला जाऊ शकतो.
व्यायाम
फिजिकल थेरपिस्टच्या सल्ल्यानुसार, तपासणीनंतर सुचवलेले व्यायाम केल्याने होणाऱ्या वेदना आणि लक्षणांपासून आराम मिळू शकतो. यामध्ये साधारणपणे सौम्य स्ट्रेचिंगआणि स्नायूं बळकट करणाऱ्या व्यायामांचा समावेश असतो.
शारीरिक चिकित्सक व्यायाम करतानाची योग्य पद्धत आणि पोश्चर सुधारण्याबाबत मार्गदर्शन करतील, ज्यामुळे संभाव्य दुखापती टाळता येईल.
औषधे आणि इंजेक्शन्स
वेदना कमी करण्यासाठी NSAIDs किंवा पेनकिलर्सचा उपयोग होतो. मसल रिलॅक्संट्स स्नायूतील ताण कमी करतात. गंभीर वेदनांवर कॉर्टिकोस्टिरॉइड इंजेक्शन दिले जाते, जे जळजळ कमी करून आराम देते.
नॉन-सर्जिकल स्पाइनल डीकंप्रेशन
हि एक आधुनिक उपचार पद्धती आहे जी स्पाइनल डिस्क आणि मज्जातंतूंवरचा दबाव कमी करते. या उपचाराचा उद्देश बल्जिंग डिस्कच्या मूळ कारणावर उपचार करणे हा आहे, ज्यामुळे बाधित डिस्कला बरे होण्यास प्रोत्साहन मिळते.
काही महत्वाचे प्रश्न:
1. मानेमधील बल्जिंग डिस्क हि एक गंभीर गोष्ट आहे का?
होय, मानेमधील बल्जिंग डिस्कचा मानेशी संबंधित सर्वात गंभीर स्थितींमध्ये समावेश होतो.
2. मानेमधील बल्जिंग डिस्कमागे काय कारणे असू शकतात?
मानेमधील बल्जिंग डिस्कमागे अनेक कारणे असू शकतात, त्यापैकी सर्वात सामान्य कारण म्हणजे वयामुळे होणारी झिज.
3. मानेमधील बल्जिंग डिस्क कशी जाणवते?
मानेमधील बल्जिंग डिस्क कधी कधी वेदनारहित असू शकते किंवा ती मान, खांदे, छाती, पाठ आणि हातांमध्ये तीव्र वेदना निर्माण करू शकते.
ANSSI बद्दल:
आम्ही ANSSI Wellness मध्ये मणक्याच्या समस्यांने ग्रस्त असलेल्या त्या रुग्णांच्या जीवनाचा दर्जा सुधारण्यावर लक्ष केंद्रित करतो, ज्यांच्यासाठी इतर पारंपारिक उपचार अयशस्वी ठरले आहेत. आधुनिक नॉन-सर्जिकल स्पाइनल डीकंप्रेशन उपचारांद्वारे, ANSSI रुग्णांना शस्त्रक्रिया टाळण्यास आणि सुरक्षित आणि प्रभावी वातावरणात बरे होण्यास मदत करण्यासाठी वचनबद्ध आहे.
